Բեյրութում անկարգություններ են

Լիբանանում ցուցարարները փակել են Բեյրութի կենտրոնական փողոցները, այրվող անվադողերով արգելափակել մայրաքաղաքն օդանավակայանի հետ կապող մայրուղին, փոխանցում է РИА Новости-ն:

Մի խումբ երիտասարդներ աղբամաններ և անվադողեր են այրել Կենտրոնական բանկի շենքի, սպորտային ավանի մոտ, Մազրաա փողոցում և մայրաքաղաքի այլ շրջաններում:
Հուզումները վերսկսվել են այն բանից հետո, երբ հայտնի է դարձել, որ կառավարության ձևավորման հարցով՝ վարչապետ Սաադ Հարիրիի և նախագահ Միշել Աունի հերթական հանդիպումն անարդյունք է ավարտվել:

Բանակցությունների ձախողումից հետո կտրուկ սկսել է լիբանանյան ֆունտի անկումը. ընդամենը մի քանի ժամում դոլարի նկատմամբ դրա փոխարժեքը նվազել է 2300-ով, և այժմ սև շուկայում ամերիկյան արժույթը կարելի է գնել 14 հազար ֆունտով: