ՀՀ-ում ռազմական դրությունը վերացվեց

Այսօր ԱԺ նիստում քվեարկության դրվեց «Լուսավոր Հայաստան» և «Բարգավաճ Հայաստան» խմբակցությունների կողմից ներկայացված «Ռազմական դրությունը վերացնելու մասին» ԱԺ որոշման նախագծի մասին հարցը։

«Իմ քայլը» խմբակցության ղեկավար Լիլիթ Մակունցը վարման կարգով հայտարարեց, որ «Իմ քայլը» խմբակցությունը կողմ է քվեարկելու նախագծին։

Այսպիսով, խորհրդարանը 118 կողմ, 1 դեմ և 1 ձեռնպահ ձայների հարաբերակցությամբ ընդունեց որոշումը։

Հիշեցնենք, որ սեպտեմբերի 27-ին՝ Ադրբեջանի կողմից Արցախի դեմ սանձազերծված լայնամասշտաբ ագրեսիայի առաջին օրը, Հայաստանում հայտարարվեց ռազմական դրություն և ընդհանուր զորահավաք: