Բայդենը Սի Ցզինպինին համեմատել է Պուտինի հետ

ԱՄՆ նախագահ Ջո Բայդենն՝ առաջին հրապարակային ասուլիսի ժամանակ Չինաստանի նախագահ Սի Ցզինպինին անվանել է այն մարդկանցից մեկը, ովքեր Ռուսաստանի նախագահ Վլադիմիր Պուտինի պես կարծում են, որ «ավտոկրատիան ապագա թրենդ է»:

Բայդենի խոսքով՝ ինքը Սի Ցզինպինի հետ ավելի շատ ժամանակ է անցկացրել, քան մյուս առաջնորդները։ ԱՄՆ նախագահը կարծում է, որ Չինաստանի առաջնորդն «ուղիղ և շատ խելացի մարդ է»: Ընդ որում նա նշել է, որ ԱՄՆ-ը չի ցանկանում առճակատում Պեկինի հետ։
«Նա այն մարդկանցից է, ովքեր Պուտինի պես կարծում են, որ ավտոկրատիան ապագա թրենդ է, և որ ժողովրդավարությունը չի աշխատում աշխարհում, որն ավելի ու ավելի բարդ է դառնում։ Նա բացարձակապես ժողովրդավարական մարդ չէ, բայց շատ խելացի է»,- ասել է ԱՄՆ նախագահը։