Վրաստանն առաջարկել է ղարաբաղյան կարգավորման իր ձևաչափն՝ առանց Ռուսաստանի

Վրաստանի ԱԳ նախարար Դավիթ Զալկալիանին հայտարարել է, որ իր երկիրը չի ցանկանում Ռուսաստանի հետ համատեղ հարթակում աշխատել ղարաբաղյան հակամարտության կարգավորման շուրջ։ Նա առաջարկել է նոր հարթակ ստեղծել՝ Վրաստանի, Ադրբեջանի և Հայաստանի մասնակցությամբ:

«Չենք դիտարկում որևէ հարթակ Ռուսաստանի հետ, որը օկուպացրել է մեր տարածքները»,- հայտարարել է նա՝ մամուլի ասուլիսի ժամանակ:
Նրա խոսքով՝ Թբիլիսին ցանկանում է միջազգային գործընկերների մասնակցությամբ ներգրավվել կարգավորման գործընթացում՝ որպես երկխոսության վայր։