«ՍԴ-ն սառը ցնցուղ մատուցեց նրան». Գևորգ Պետրոսյան

«Նա իր կարճ խելքով մտածում էր, որ ինչ ուզի՝ Սահմանադրական դատարանը կանի, սակայն ՍԴ-ն, ի պատիվ բոլոր դատավորների, սառը ցնցուղ մատուցեց նրան, երևի դրա համար էլ ընկել ա ցայտնոտի մեջ, ինչ-որ տարօրինակ հայտարարություններ ա հեղինակում: Էստեղ պետք չի անձնավորել խնդիրը. Քոչարյանի անձի խնդիրը չի, արդարության հաղթանակի խնդիրն է»,- «Հայելի» ակումբում անդրադառնալով Սահմանադրական դատարանի որոշմանը, ասաց անկախ պատգամավոր Գևորգ Պետրոսյանը:

«Մի քանի շառլատան իրենց համար թեզ են հնարել, թե իբր ՍԴ այս որոշումը, քրեական հետապնդումը երկրորդ նախագահի մասով, կարճելու հիմք չէ: Սա ուղղակի յալանչիություն ա, լարախաղացություն, իրանք խայտառակ են անում իրանց մասնագիտական պատիվը»,- ասաց Գ. Պետրոսյանը: