Կրեմլում բացառել են Ռուսաստանի և Բելառուսի միավորումը

ՌԴ նախագահի մամուլի քարտուղար Դմիտրի Պեսկովը հարցազրույց է տվել Аргументы и факты պարբերականին ու բացառել, որ Ռուսաստանն ու Բելառուսը կարող են միավորվել: «Ռուսաստանի և Բելառուսի միավորման մասին խոսք չկա։ Բայց մենք համոզված ենք, որ հնարավոր ամենախոր ինտեգրումը կբխի ինչպես ռուսների, այնպես էլ բելառուսների շահերից»,- նշել է Կրեմլի ներկայացուցիչը։

Նա նաև հավելել է, որ Մոսկվան ու Մինսկը աշխատանքներ են տանում Միութենական պետության մասին պայմանագրի շրջանակներում, մասնավորապես համաձայնեցնում են երկրների ինտեգրման խորացման ճանապարհային քարտեզները: