Լրտեսության մեջ մեղադրվող ռուս դիվանագետին կարտաքսեն Իտալիայից

Ռուս դիվանագետին, որին ավելի վաղ ձերբակալել էին լրտեսության մեղադրանքով, կարտաքսեն Իտալիայից: Այս մասին հայտնում է Corriere della Sera թերթը։
Նշվում է, որ իտալացի սպան, բացի իր երկրի գաղտնի փաստաթղթերից, իբր Ռուսաստանի քաղաքացուն է փոխանցել գաղտնի տվյալներ ՆԱՏՕ-ից՝ «դրանով իսկ վտանգելով ոչ միայն Իտալիայի ազգային անվտանգությունը, այլև այլ պետությունների անվտանգությունը»: Նրանց շփումների մասին իտալական հատուկ ծառայությունները իմացել են մի քանի ամիս առաջ։
Թերթի տվյալների համաձայն՝ ռուսաստանցուն կարտաքսեն Իտալիայից այն պատճառով, որ նրա դիվանագիտական կարգավիճակն անհնար է դարձնում նրա ձերբակալությունը:
Ավելի վաղ հաղորդվել էր, որ Ռուսաստանի դեսպանը կանչվել է Իտալիայի ԱԳՆ՝ լրտեսության մեջ կասկածվող ռուս դիվանագետի ձերբակալությունից հետո: