«Ռուսական զորքերի տեղաշարժը չպետք է անհանգստացնի այլ երկրներին». Պեսկով

Ռուսաստանը զորքերը տեղափոխում է իր տարածքի սահմաններում և իր հայեցողությամբ, դա ոչ մեկին չի սպառնում և չպետք է որևէ մեկին անհանգստացնի, հայտարարել է ՌԴ նախագահի մամուլի քարտուղար Դմիտրի Պեսկովը:

«Գիտեք, որ Ռուսաստանի սահմանագծի երկայնքով նկատվում է ՆԱՏՕ-ի երկրների, այլ միավորումների, առանձին երկրների զինված ուժերի ակտիվությունը: Այդ ամենը մեզ պարտավորեցնում է զգոն լինել»,- ասել է Պեսկովը։

Անցած երեքշաբթի Ուկրաինայի ԶՈՒ գլխավոր հրամանատար Ռուսլան Խոմչակը հայտարարել էր, որ Ռուսաստանն աստիճանաբար ավելացնում է զորքերն Ուկրաինայի հետ սահմանին, ինչը, նրա խոսքով, սպառնալիք է ստեղծում երկրի ռազմական անվտանգության համար: