Հայտնի է՝ ինչ սկզբունքով է ձևավորվելու «Իմ քայլի» ցուցակը. «Հրապարակ»

«Հրապարակ» թերթը գրում է. «Իմ քայլի» 2018-ի նախընտրական ցուցակը հիմնականում կազմված էր բարձրաստիճան պաշտոնյաներից՝ հիերարխիկ սկզբունքով։ Նիկոլ Փաշինյանին հաջորդում էր Արարատ Միրզոյանը, առաջին կինը Լենա Նազարյանն էր, ապա՝ փոխվարչապետ Տիգրան Ավինյան, Արայիկ Հարությունյան, Ալեն Սիմոնյան, Սասուն Միքայելյան, Լիլիթ Մակունց, Սուրեն Պապիկյան, Զարուհի Բաթոյան, Էդուարդ Աղաջանյան, Ռուբեն Ռուբինյան, Ռոմանոս Պետրոսյան…

Մինչդեռ 2017-ին ներկուսակցական քվեարկություններ էին կազմակերպում և այլն։ Այս անգամ ևս ցուցակը կազմելու է առաջնորդը՝ միանձնյա, և այն արտացոլելու է նրա գոհ կամ դժգոհ լինելը թիմակցից։
Մեր տեղեկություններով, որքան էլ Արարատ Միրզոյանից դժգոհություններին, ըստ ամենայնի, երկրորդ տեղում նրա անունն է լինելու։ Առաջին կնոջ կոչումի համար պայքարում են Լենա Նազարյանն ու Լիլիթ Մակունցը։ Սասուն Միքայելյանը, հավանաբար, կբարելավի իր հորիզոնականը․ նա ձայների լուրջ փաթեթ է տնօրինում Կոտայքի մարզում։ Հորիզոնականները կբարելավեն նաև Ռուբեն Ռուբինյանն ու Սուրեն Պապիկյանը»:

Մանրամասները՝ թերթի այսօրվա համարում: