Թուրքիան խախտել է միջազգային իրավունքը՝ ԼՂ-ում պատերազմ հրահրելով. շվեյցարացի խորհրդարանականներ

Շվեյցարիայի դաշնային խորհրդի 33 պատգամավորներ նամակ են հղել երկրի կառավարությանը՝ հոդորելով գործողություններ ձեռնարկել Թուրքիայի դեմ՝ իր տարածքում, ինչպես նաև Հայաստանում, Սիրիայում, Լիբիայում և Իրաքում մարդու իրավունքների կոպիտ խախտումների համար: Շվեյցարացի օրենսդիրներն արձանագրել են, որ ղարաբաղյան վերջին պատերազմի ժամանակ Թուրքիան Ադրբեջան է ուղարկել վարձկանների, ինչը միջազգային իրավունքի կոպիտ խախտում է: Պատգամավորները կոչ են արել հետաձգել Թուրքիայի հետ ազատ առևտրի մասին նոր համաձայնագիրը, քանի դեռ այդ երկիրը չի կատարել Մարդու իրավունքների եվրոպական դատարանի որոշումները:

Նամակում նշել են, որ Թուրքիայում գործում է նախագահ Ռեջեփ Թայիփ Էրդողանի ավտորիտար համակարգը՝ լռեցնելով ընդդիմադիրների և լրատվամիջոցների ձայները։

«Մենք խորապես հավատում ենք Շվեյցարիայի մարդասիրական ավանդույթներին և հավատում ենք, որ այս հրատապ կոչը լսելի կլինի»: