Մակունցը՝ Թուրքիայի հետ հարաբերությունների մասին

ԱԺ «Իմ քայլը» խմբակցության ղեկավար Լիլիթ Մակունցը լրագրողների հետ զրույցում պատասխանեց նաև արտաքին քաղաքականությանը վերաբերող հարցերի, մասնավորապես Թուրքիայի ու Ադրբեջանի նկատմամբ կեցվածքը փոխելու մեկնաբանություններին:

«Յուրաքանչյուր պաշտոնյայի հանձնառություններից է անել առավելագույնը հզորացնելու պետությունը՝ պատմական հիշողության պահպանմամբ... Որևէ մեկի կողմից չի նշվել Թուրքիայի հետ բարեկամանալու մեկնաբանություն...»,- ասաց նա: Մակունցի խոսքով՝ Թուրքիան անկհայտ ցույց է տվել թշնամական վերաբերմունքը Հայաստանի նկատմամբ, և թեկուզ փոքր քայլերով մոտեցման վերանայումը կարող է հիմք լինել Հայաստանի համար՝ մտածելու հարաբերությունների հաստատման առնչությամբ: