«ՀՀ պատվիրակությունը վետո է դրել ԵԱՀԿ դիտորդների առաքելությանը Դոնբասում». Տիգրան Խզմալյան

«Նիկոլ Փաշինյանի կառավարությունը, որը եկավ իշխանության՝ օլիգարխիայի և կոռուպցիայի դեմ պայքարի կարգախոսով, վերջին օրերին կատարեց իր բոլոր մեղքերից երևի վերջինը, որովհետև ընտրությունները, այսպես ասած, հայտարարվել են Փաշինյանի և օլիգարխ Ծառուկյանի հանդիպումից հետո»,- այսօր տեղի ունեցած մամուլի ասուլիսի ժամանակ, կարծիք հայտնեց Ազգային ժողովրդավարական բևեռի անդամ Տիգրան Խզմալյանը՝ անդրադառնալով խորհրդարանական արտահերթ ընտրություններին:

«Այսինքն դա արդյունք է հենց այն խայտառակ դավադրության և պայմանավորվածության, որի բոցավառ քննադատն էր Փաշինյանը: Նա եկել էր «մերժիր Սերժին», «մերժիր օլիգարխիան», «մերժիր կոռուպցիան» կարգախոսով, և հեռանում է նույն այդ օլիգարխիայի հետ պամանավորվածության արդյունքում»,- նշեց Խզմալյանը:

Վերջինի խոսքով՝ Փաշինյանը հենց այս օրերին էլ շարունակում է տանել այդ նույն «օլիգարխիկ, կոռուպցիոն, ստրկամիտ ավանդույթը, որը ստեղծել են Կրեմլը և ԿԳԲ-ն»:

«Դրա վերջին խայտառակ օրինակն է այն, որ մեկ-երկու օր առաջ, ՀՀ պատվիրակությունը վետո է դրել ԵԱՀԿ դիտորդների առաքելությանը Դոնբասում: Ի՞նչ է սա նշանակում. Ուկրաինան գտնվում է ծայրահեղ ծանր վիճակում՝ Ռուսաստանի նոր հարձակման սպառնալիքի ներքո... Դուք պատկերացնո՞ւմ եք, Հայաստանի պատվիրակությունը Պուտինի թելադրանքով վետո է դնում, որպեսզի Ուկրաինան չկարողանա ստանալ միակ անկախ դիտորդական առաքելությունը, որից ունի նաև Հայաստանը»,- ասաց Տ. Խզմալյանը: