Ռադայում հայտարարել են, որ Ուկրաինան մոտ է Դոնբասում լայնածավալ պատերազմին

Ուկրաինայի Գերագույն ռադայի ընդդիմադիր պատգամավոր Իլյա Կիվան հայտարարել է, որ երկիրն ավելի քան երբևէ մոտ է լայնածավալ պատերազմի սկսվելուն։

«Գնահատելով իրավական անօրինականության ներկայիս քաղաքականությունը և Զելենսկիի՝ իշխանության յուրացման գործողությունները, կարող եմ լիակատար վստահությամբ հայտարարել, որ մենք առավել քան երբևէ մոտ ենք Դոնբասում լայնածավալ պատերազմի սկսվելուն, որը կընդգրկի ամբողջ Ուկրաինան, իսկ դա նշանակում է մեր քաղաքացիների շրջանում հազարավոր նոր մահեր, և որքան դրանք շատ լինեն, այնքան ավելի լավ իշխանության համար»,- գրել է Կիվան իր թելեգրամի ալիքում:
Նա ընդգծել է, որ պատրաստվում են «օրինականացնել ընդդիմադիր քաղաքական կուսակցությունների նկատմամբ ոչ իրավաչափ գործողությունները, որոնցից իշխանությունը վախենում է, քանի որ նրանք անմիջական մրցակից են հանդիսանում Գերագույն ռադայի առաջիկա ընտրություններում։
«Վերընտրվելու որոշումը վաղուց հասունացել է նախագահի գրասենյակում, բայց պետք է միայն մաքրել քաղաքական դաշտը։ Պատերազմի սկիզբը, ինչպես նաև ցանկացած պահի ողջ Ուկրաինայում ռազմական դրություն մտցնելու հնարավորությունը, նշանակում է բնակչության դժգոհությունը փոխարինել իշխանությամբ, սեփական կյանքի համար կենդանի վախով»,- կարծում է պատգամավորը: