«Այդ մարդու համար սեփական շահը պետական շահից վեր է». Դանիել Իոաննիսյան

267

Երեքշաբթի, 06 ապրիլի, 2021 թ., 10:40

«Իրազեկ քաղաքացիների միավորում» ՀԿ հիմնադիր, Հանրային խորհրդի անդամ Դանիել Իոաննիսյանը ֆեյսբուքյան իր էջում գրել է. «Ռոբերտ Քոչարյանը ռուսաստանյան հեռուստատեսությամբ՝

- Մի բառ չասեց Ադրբեջանի հակամարդկային քաղաքականության, ռազմական հանցագործությունների ու ռազմագերիների մասին

- Բանակցային գործընթացը փակուղում հայտնվելու մեղքն ամբողջությամբ գցեց հայկական կողմի վրա՝ կրկնելով Ալիևի ու Էրդոհանի սուտը։

Այդ մարդու համար սեփական շահը պետական շահից վեր է։ Եթե ՀՀ քաղաքացիների 99 տոկոսը Պոզների եթերը կօգտագործեին պետության շահն առաջ տանելու համար, ապա Քոչարյանն այն մյուս 1 տոկոսից է ու նախընտրեց սեփական շահը։

Հ. Գ. Ու մի բան էլ դժգոհում է մեզանից (ՀԿ-ներից), որ ամեն քայլափոխին, պատեհ-անպատեհ առիթներով Ադրբեջանի արածների մասին ենք բարձրաձայնում»։