Պեսկովը բացահայտել է Պուտին-Բայդեն զրույցի մանրամասները

724

Չորեքշաբթի, 14 ապրիլի, 2021 թ., 15:28

ՌԴ նախագահի մամուլի քարտուղար Դմիտրի Պեսկովը պատմել է, թե ինչպիսին է եղել Ռուսաստանի և ԱՄՆ-ի նախագահներ Վլադիմիր Պուտինի և Ջո Բայդենի զրույցի տոնը:

«Գործնական»,- ասել է նա: Նա նաև նշել է խոսակցության տևողությունը։

«Դուք ինքներդ կարող եք եզրակացնել այն թեմաների առատությունից, որոնք 2 կողմից նշվել են այդ զրույցի արդյունքում, որ զրույցը բավականին երկար է եղել»,- հավելել է նա:

Պեսկովը նշել է, որ զրույցի արդյունքում պարզ է դարձել, որ Վաշինգթոնը կարող է օգտագործել իր ազդեցությունը Կիևի վրա՝ լարվածությունը թուլացնելու համար։

Կրեմլի ներկայացուցիչը նաև պատասխանել է, որ Պուտինն ու Բայդենը զրույցի ընթացքում չեն անդրադարձել Ալեքսեյ Նավալնիի թեմային:

Նախօրեին, Ջո Բայդենը հեռախոսազրույցի ժամանակ Վլադիմիր Պուտինին առաջարկել է առաջիկա ամիսներին անձնական հանդիպում անցկացնել:

Այդ զրույցի արդյունքում պետությունների ղեկավարները քննարկել են ռուս-ամերիկյան հարաբերությունների ներկա վիճակը և միջազգային օրակարգի որոշ արդիական ասպեկտներ: