Չորեքշաբթի, 09 հուլիսի, 2025 թ.
|
Ստեփանակերտում`   +24 °C

Լուկաշենկոն Ալիևին օգնություն է առաջարկել Ղարաբաղի վերականգնման հարցում

Լուկաշենկոն Ալիևին օգնություն է առաջարկել Ղարաբաղի վերականգնման հարցում
897
Չորեքշաբթի, 14 ապրիլի, 2021 թ., 16:04

Բելառուսի նախագահ Ալեքսանդր Լուկաշենկոն Ադրբեջանի նախագահ Իլհամ Ալիևին օգնություն է առաջարկել Լեռնային Ղարաբաղում վերջին պատերազմի հետևանքով տուժած տարածքների վերականգնման հարցում, հաղորդում է БЕЛТА-ն:

«Ադրբեջանը մեծ քայլ է կատարել իր ազգային երազանքին հասնելու համար»,- Բաքվում Ալիևի հետ հանդիպման ժամանակ ասել է Լուկաշենկոն:

Նրա խոսքով՝ դեռ շատ անելիքներ կան «կյանքի վերականգնմանն ուղղված ծանր աշխատանք, խաղաղ աշխատանք»:

«Դուք պետք է իմանաք, որ բելառուսները ձեր վստահելի ընկերներն են։ Դուք գիտեք մեր հնարավորությունները: Մենք այսօր նախարարների, մասնագետների հետ ևս մեկ անգամ կքննարկենք։ Եթե մենք պայմանավորվում ենք, մենք միշտ իրականացնում ենք մեր պայմանավորվածությունները»,-ընդգծել է Լուկաշենկոն։