Այսօր Հայ կինոյի օրն է

Ազգային ժողովն ապրիլի 16-ը հռչակել է Հայ կինոյի օր: Կինեմատոգրաֆիստների միությունը Կինոյի տան մեծ դահլիճն այսօր տրամադրում է դպրոցականներին՝ դիտելու հայկական ֆիլմեր մեծ էկրանին, հանդիպելու ֆիլմ ստեղծողների հետ, խոսելու, քննարկելու, որպես հիշատակ՝ լուսանկարվելու:

Ժամը 16:00-ին կինոպրեմիերա է: Ցուցադրվելու է մուլտիպլիկատոր Գայանե Մարտիրոսյանի «ԱՐԵԳՆԱԶԱՆ. Հեքիաթների աշխարհում» ֆիլմը, որից հետո կկայանա հանդիպում ռեժիսորի հետ:

Իսկ ժամը18:00-ին կցուցադրվի մեր լավագույն մանկական ֆիլմերից մեկը՝ «ԱՆԻԿՈ»-ն, որի պրեմիերան կայացել է 2019 թվականի վերջերին: Ֆիլմը չարաճճի աղջկա, նրա պապիկի, ամառային արձակուրդների մասին է:

Ֆիլմի ցուցադրությունից հետո դպրոցականները կհանդիպեն ֆիլմի ռեժիսոր Աննա Հարությունյանի հետ:

Մուտքն ազատ է: