Երկուշաբթի, 14 հունիսի, 2021 թ.
|
Ստեփանակերտում`   +13 °C

«Որոշել եմ համաչափ պատասխան տալ»․ Բայդենը հայտարարել է, որ Ռուսաստանի դեմ պատժամիջոցների մեղմ տարբերակ է ընտրել

«Որոշել եմ համաչափ պատասխան տալ»․ Բայդենը հայտարարել է, որ Ռուսաստանի դեմ պատժամիջոցների մեղմ տարբերակ է ընտրել
362
Ուրբաթ, 16 ապրիլի, 2021 թ., 15:32

ԱՄՆ նախագահ Ջո Բայդենը հատուկ հայտարարությամբ է հանդես եկել Ռուսաստանի դեմ պատժամիջոցներ սահմանելու մասին՝ ի պատասխան ամերիկյան պետական հաստատությունների վրա կիբեր-հարձակումների, որոնցում Վաշինգթոնը մեղադրում է Մոսկվային: Սպիտակ տան ղեկավարն ասել է, որ իր վարչակազմը կարող էր ավելի խիստ պատժամիջոցներ սահմանել Ռուսաստանի ղեկավարության դեմ, սակայն առայժմ որոշել է օգտագործել ավելի մեղմ տարբերակ:
ԱՄՆ նախագահը հայտնել է, որ երեքշաբթի կայացած հեռախոսազրույցի ժամանակ այդ մասին խոսել է Վլադիմիր Պուտինի հետ:
Սպիտակ տան ղեկավարը նաև հայտարարել է, որ ԱՄՆ-ն ապագայում պատրաստ է միջոցներ կիրառել՝ ի պատասխան Ռուսաստանի ցանկացած «ագրեսիվ գործողության», սակայն նշել է, որ առայժմ պատրաստվում է բարձր մակարդակով հանդիպում անցկացնել Ռուսաստանի նախագահի հետ: