«Միսս տիեզերք 2020» Մոնիկա Գրիգորյանի գեղեցիկ ֆոտոշարքն՝ Արարատի ֆոնին

894

Կիրակի, 18 ապրիլի, 2021 թ., 19:32

«Միսս տիեզերք 2020»-ի հայաստանյան ներկայացուցիչ, «Միսս աշխարհ Արմենիա 2019» մրցույթի 1-ին վիցե-միսս Մոնիկա Գրիգորյանը ֆեսբուքյան իր էջում նոր ֆոտոշարք է հրապարակել Խոր Վիրապից:

Արարատ լեռան ֆոնին արված կադրերում հայ գեղեցկուհին ներկայացել է ոտաբոբիկ, մոխրագույն զգեստով և վառ շպարով:

Ֆոտոշարքին կից Մոնիկան նաև գրառում է կատարել, որում ասված է. «Դեռ դպրոցական տարիներից, երբ խոսք էր գնում Հայաստանի մասին, մեր մշակույթի և պատմության մասին, իմ բոլոր մտքերը պտտվում էին մեկ առանցքի շուրջ: Այն էր՝ Հայաստանի մասին հնարավորինս շատ մարդկանց պատմելն ու ներկայացնելը:

Հիմա, երբ ունեմ այդ հնարավրությունը, իմ ամբողջ ռեսուրսը, ուժն ու եռանդը միտված են Հայաստանը մեծ հարթակներում հավուր պատշաճի ներկայացնելուն:
Հիմա, առավել քան երբևէ, մենք ունենք ներկայացված և լսված լինելու կարիք: Աշխարհն սպասում է հենց մեզ, ամենահին և միևնույն ժամանակ ամենանորար ու ստեղծագործ ժողովրդին:

Ես խորապես հավատացած եմ, որ եթե յուրաքանչյուրս վերցնենք պատասխանատվությունը լինելու արժանի հայ, մեր մասին կշարունակեն իմանալ և խոսել բոլորը...

Դեպի նոր հաղթանակներ...»: