«Ակունք» ազգագրական համույթը հանդես կգա համերգով

«Ակունք» ազգագրական համույթը (գեղարվեստական ղեկավար՝ Արթուր Շահնազարյան) «Հայացք» խորագրով համերգով հանդես կգա Առնո Բաբաջանյան համերգասրահում։ Համերգային ծրագրում Արևմտյան Հայաստանի նահանգների հայկական երաժշտությունն է, երգն ու պարը։

Նշենք, որ համերգին ընդառաջ՝ ժամը 18:00, դահլիճի վերաբացված ճեմասրահում ցուցահանդեսի միջոցով կներկայացվեն Արևմտյան Հայաստանի տարբեր նահանգների գորգերը, կենցաղային իրերն ու զարդերը։ Հավաքածուն տրամադրել է Էջմիածնի պատմա-ազգագրական թանգարանը:

Համերգի և ցուցահանդեսի մուտքն ազատ է:

Համերգը տեղի կունենա ապրիլի 25-ին, ժամը 19:00-ին: