«ԱԺ-ից դուրս գալուց Բորիս Ավագյանի ձեռքին զանգ եկավ․ տեղեկացրին, որ Արայիկ Հարությունյանն ուզում է իրեն ազատել աշխատանքից»․ Վ․ Աթաբեկյան

«Բորիս Ավագյանին հրավիրել էինք ԱԺ, որ գերիների հետ կապված հարցերով քննարկում անենք, տեսնենք՝ ոնց կարանք աշխատանքային խումբ ձևավորենք ու էդ խումբն ինչքան նպաստավոր կլինի»,- այսօր՝ լրագրողների հետ զրույցում, անդրադառնալով Արցախի արտակարգ իրավիճակների պետական ծառայության տնօրենի արդեն նախկին տեղակալ Բորիս Ավագյանի ԱԺ քննարկմանը մասնակցելուն, ասաց «Իմ քայլից» դուրս եկած անկախ պատգամավոր Վարդան Աթաբեկյանը։

«Չեմ կարծում, որ Բորիս Ավագյանն ինչ-որ աղմկահարույց հայտարարություն է արել, բայց ԱԺ շենքից դուրս ուղեկցելուց՝ իր ձեռքին զանգ եկավ, և իրեն տեղեկացրին, որ Արայիկ Հարությունյանն ուզում է իրեն ազատել աշխատանքից»,- ասաց Աթաբեկյանը՝ ընդգծելով, որ դա համարում է անթույլատրելի։