«Իրավիճակը Բելառուսում, Ուկրաինայի արևելքում, Ղրիմում, Լեռնային Ղարաբաղում ավելի քան տագնապալի է». Մերկել

Գերմանիայի կանցլեր Անգելա Մերկելը հայտնել է, որ իրեն անհանգստացնում է իրավիճակը Բելառուսում, Ուկրաինայի արևելքում, Ղրիմում և այլ շրջաններում, հայտնում է ТАСС-ը: «Իրավիճակը Բելառուսում, Ուկրաինայի արևելքում և Ղրիմում, Մերձդնեստրում, Հարավային Օսիայում, Աբխազիայում, Լեռնային Ղարաբաղում և, իհարկե, Սիրիայում և Լիբիայում ավելի քան տագնապալի է»,- ասել է կանցլերը՝ ԵԽԽՎ գարնանային նստաշրջանի մասնակիցներին ուղղված տեսաուղերձում: «Այնտեղ ամենուր մենք տեսնում ենք՝ ինչպես են ճնշվում հիմնարար իրավունքները: Եթե մենք թույլ տանք, որ դա արվի և նայենք կողքից, ապա կհաշտվենք նրա հետ, որ եվրոպական նախագիծը հայտնվի հարցականի տակ»,- նշել է նա՝ հավելելով, որ ՄԻԵԴ որոշումներն իրականացվում են կամ դանդաղ կամ ընդհանրապես չեն կատարվում: