«Գանդին սպանվել է հնդիկ ազգայնականի կողմից, որովհետև այլասերված էր. նրա արձանը պետք է հեռացվի». բողոքի ակցիա

«Երևանի այլընտրանքային քաղաքապետարան» նախաձեռնության ղեկավար Սոնա Աղեկյանի գլխավորությամբ այսօր բողոքի ակցիա է տեղի ունեցել Հայաստանում Հնդկաստանի դեսպանատան դիմաց՝ մերժելով Մահաթմա Գանդիի արձանի տեղադրումը՝ Մարգարյան-Հալաբյան փողոցների խաչմերուկում գտնվող այգում:

«Մեր մայրաքաղաքում տեղադրվել է Աթա Թուրքի դաշնակից և Հայոց Ցեղասպանությունը մերժած Գանդիի արձանը: Գանդին սպանվել է հնդիկ ազգայնականի կողմից, որովհետև այլասերված էր։ Այս արձանը, որն այստեղ գտնվում է և տեղափոխվել է Հնդկաստանի Հանրապետության ջանքով և ծախսով, նույնպես կոտրված է և նորոգված տարբերակով: Այն պետք է հեռացվի»,- ասաց Ս. Աղեկյանը:

Ակցիայի մասնակցների խոսքով՝ Գանդիի արձանը պետք է տեղադրվեր ոստիկանության շենքի դիմաց. «Բոլորին հայտնի են Գանդիի՝ անկախության համար ոչ բռնի պայքարի մարտավարության երկու ձևերը՝ չհամագործակցություն և քաղաքացիական անհնազանդություն»,- ասացին նրանք:

Սոնա Աղեկյանը բաց նամակով դիմեց Հայաստանում Հնդկաստանի դեսպանին:

Մանրամասները՝ տեսանյութում: