«Չգիտեմ՝ ինչ իրավաբանների մասին է խոսքը եղել 2018 թվականին». Վլադիմիր Վարդանյան

Սահմանադրական որևէ արգելք չկա, որ հրաժարականից հետո վարչապետը պաշտոնավարի պաշտոնակատարի կարգավիճակում, այս մասին լրագրողների հետ զրույցում ասել է իմքայլական պատգամավոր Վլադիմիր Վարդանյանը: «Չգիտեմ՝ ինչ իրավաբանների մասին է խոսքը եղել 2018 թվականին, երկրորդ՝ 2018 թվականին իրավիճակը մի փոքր այլ է եղել, երրորդ՝ այսօրվա գործընթացն ու վարչապետի հրաժարականը սոսկ հրաժարական չէ, այլ՝ հրաժարական, որն անհրաժեշտ է ԱԺ-ի՝ իրավունքի ուժով արձակմանը»,- նշել է նա՝ արձագանքելով 2018-ի ապրիլին Փաշինյանի հայտարարությանը, որի տեսանյութը լրագրողները ցույց տվեցին պատգամավորին: