Ուրբաթ, 24 սեպտեմբերի, 2021 թ.
|
Ստեփանակերտում`   +22 °C

«Գողանում են համարանիշները, թողնում են հեռախոսահամար, պահանջում արժեքի 50%-ը». Դավիթ Մկոյան

«Գողանում են համարանիշները, թողնում են հեռախոսահամար, պահանջում արժեքի 50%-ը». Դավիթ Մկոյան
438
Երեքշաբթի, 27 ապրիլի, 2021 թ., 22:16

Մանթաշով գործարարների միության հիմնադիր անդամ Դավիթ Մկոյանը ֆեյսբուքյան իր էջում գրել է. «Մինչև ազգս փորձում է ուշքի գալ արհավիրքներից, ի հայտ են գալիս գողության նոր կրեատիվ սխեմաներ։
Պարզվում է, ըստ օրենքի, եթե մեքենայի 2 պետ. համարանիշները կորցրեցիր, ապա չես կարող վերականգնել, ստիպված պետք է նորից գնես։
Կրեատիվ գողերը գողանում են համարանիշները, թողնում են telegram հեռախոսահամար։ Զանգում ես, գրում են փրկագինը՝ համարանիշներիդ արժեքի 50%-ը։ Վճարումը կատարվում է Bitcoin-ի միջոցով։ Ապրիլի 24-ին նման ձևով գողացան արդեն 3-րդ ծանոթիս համարները։ Լավ էին հաշվարկել՝ Մեծ Եղեռնի զոհերի հիշատակի օրը բոլորը Ծիծեռնակաբերդում կլինեն։
Օրենսդրական փոփոխությունների նախագիծ է մշակվում, որը կլուծի այդ հարցը և հնարավորություն կընձեռի 2 կորցրած համարների դեպքում վերականգնել համարները իսկ ԱԱԾ-ն ակտիվ որոնողական աշխատանքներ է տանում, որ բռնի հանցագործներին, կմտածեիք դուք։ Но нет!
Մեր իրականության մեջ Ոստիկանության տեսուչի անվրդով ձայնը ասաց՝ «բան չես կարա անես ախպերս, լուչշե վճարես էտ 80,000֏։ Գիշերը մասիվները լաաավ սրբել են»։
Կառաջարկեմ՝
1) դրսում մեքենա կայանելուց հանել գոնե 1 հատը, կամ
2) պատվիրել կեղծ համարներ, օրիգինալները պահել։
3) ՃՈ կայքում FAQ բաժնում ավելացնել, որ համարանիշների կորստի դեպքում իզուր տեղը չծանրաբեռնել թեժ գիծը, միևնույն է «լուչշե վճարեք»։
Հ.գ. իսկ ձեզ նման դեպք հանդիպե՞լ է»: