Երկուշաբթի, 23 փետրվարի, 2026 թ.
|
Ստեփանակերտում`   +3 °C

«Ունեցանք նոր քաղբանտարկյալ՝ Հայկ Հեքիմյանը». Ռուբեն Մելիքյան

«Ունեցանք նոր քաղբանտարկյալ՝ Հայկ Հեքիմյանը». Ռուբեն Մելիքյան
316
Չորեքշաբթի, 28 ապրիլի, 2021 թ., 13:32

Իրավապաշտպան Ռուբեն Մելիքյանը ֆեյսբուքյան իր էջում գրել է․ «Ունեցանք նոր քաղբանտարկյալ՝ Հայկ Հեքիմյանը։ Դատավոր Գագիկ Պողոսյանի նախագահությամբ Երևանի ընդհանուր իրավասության դատարանը որոշել է Հայկին կալանավորել՝ օրեր առաջ ՀՀ դատախազության առջև բողոքի գործողության ժամանակ ոստիկանին հարվածելու համար։ Մինչդեռ տեսագրությունից ակնհայտ երևում է, որ առաջինը հարվածել է հենց ոստիկանը։

Այս խայտառակությունը «կյանքի իրավունք» ստացավ այն ժամանակ, երբ 2020թ. գարնանն Ալեն Սիմոնյանի և Արթուր Դանիելյանի միջև միջադեպի կապակցությամբ առաջինը հարվածած Ալենը ճանաչվեց տուժող, իսկ պատասխան հարվածներ հասցրած Արթուրը՝ մեղադրյալ։ Ի դեպ, այսօր այդ գործով առաջին դատական նիստն է։

Ազատությո՛ւն քաղբանտարկյալ Հայկ Հեքիմյանին, «ողջո՛ւյն» իրավունքի հերն անիծող դատախազներին ու դատավորներին, և մա՛հ դավաճաններին»։