«Մետրոպոլիտենի ցուցանակների եռալեզու թարմացման աշխատանքներն ավարտվել են»․ խոսնակ

Մետրոպոլիտենի մամուլի խոսնակ Տաթև Խաչատրյանը ֆեյսբուքյան իր էջում հրապարակել է լուսանկարներ, որոնց կից գրել է․ «Հարգելի՛ գործընկերներ, ի պատասխան ԶԼՄ-ներում պարբերական շահարկումերի առիթ դարձած՝ Երևանի մետրոպոլոիտենի ռուսերեն լեզվով ցուցանակների հանվելու վերաբերյալ ստահոդ տեղեկություններին՝ հայտնում ենք, որ ավարտվել են ցուցանակների եռալեզու թարմացման աշխատանքները։
Ինչպես ավելի վաղ նշել էինք, Կարեն Դեմիրճյանի անվան Երևանի մետրոպոլիտենի տնօրենի ժ/պ Գևորգ Ավետիսյանի հանձնարարականով, բոլոր կայարաններում թարմացվում էին գեոլոկացիոն ցուցանակները։
Նկարները՝ «Բարեկամություն» կայարանից»։