Պորտուգալիայում բացվել է աշխարհի ամենաերկար կախովի կամուրջը

Պորտուգալիայում բացվել է աշխարհի ամենաերկար հետիոտնային կախովի կամուրջը։ Այս մասին հայտնում են եվրոպական լրատվամիջոցները։
Կամուրջը գտնվում է Պորտուգալիայի հյուսիսում՝ Արոկա քաղաքում։ Այն ձգվում է Պայվա գետի վրայով՝ 175 մետր բարձրության վրա։ Կամուրջը կառուցել են մոտ 2 տարի, աշխատանքների արժեքը գնահատվում է 2,3 միլիոն եվրո:
Կամրջի երկարությունը 516 մետր է, սա ռեկորդային երկարություն է հետիոտնային կախովի կամրջի համար: Նախորդ ռեկորդակիր էր համարվում Շվեցարիայում Չարլզ Քուոնենի անվան կամուրջը։ Այս կամրջի երկարությունը 494 մետր է։
Կիրակի տեղի կունենա պորտուգալական կամրջի բացման պաշտոնական արարողությունը։ Սակայն, ինչպես նշվում է հաղորդագրություններում, տեղի բնակիչներն արդեն օգտվում են դրանից։