«Եթե Սերժ Սարգսյանը որոշել է բացահայտումներ անել, թող պատմի 2015թ. աշնան և 2016թ. ձմռան իրադարձությունները». Փաշինյան
![]() 866 Երկուշաբթի, 03 մայիսի, 2021 թ., 12:28 «Նայում էի Սերժ Սարգսյանի հարցազրույցը՝ հատկապես արտաքին գործընթացների, ԼՂ շուրջ բանակցային գործընթացի հետ կապված ու արձանագրեցի մի շարք մեղադրանքներ՝ Ձեր ու Ձեր իշխանության ուղղությամբ բանակցային գործընթացը խաթարելու մասով»,- ԱԺ-ում դիմելով վարչապետի թեկնածու Նիկոլ Փաշինյանին՝ ասաց պատգամավոր Տիգրան Ուրիխանյանը: Փաշինյանը նշեց, որ «մերժվածի հարցազրույցը լավ առիթ ու հնարավորություն է, որպեսզի բանակցային բովանդակության նոր շերտեր բացենք»: «Ձեր նշած անձն իր հարցազրույցում, խոսելով ԼՂ կարգավիճակի ապագա ճշգրտման մասին, որը պետք է նախատեսվեր բանակցային գործընթացում, օգտագործեց ԼՂ բնակչություն հասկացությունը: Չգիտեմ՝ նախկինում եզրույթն օգտագործվել է, թե ոչ, բայց կարծեմ նախորդ իմ ելույթում էդ թեմային մի փոքր անդրադարձել եմ ու ենթադրում եմ՝ ռեակցիան էդտեղից է: Երբ կանցնեն տարիներ ու կբացվեն բանակցային փաստաթղթեր, կիմանանք, որ Սարգսյանը միջնորդներին նամակ է գրել, որից իմանում ենք, որ որոշակի մտահոգություն ունի, թե ենթադրվող հանրաքվեի իմաստով, որը նշված չէ՝ որտեղ պիտի լինի, բայց նշված է, որ ԼՂ բնակչության ազատ կամարտահայտում պիտի լինի: Կանցնեն տարիներ ու կտեսնենք, որ Սերժ Սարգսյանն ունի մտահոգություն, թե ինչքան ադրբեջանցի է այս իմաստով համարվելու ԼՂ բնակիչ»: Շարունակելով՝ Փաշինյանն ասաց. «Միտք ա առաջ տարվում, որ ես գիտեի, որ եթե բանակցողը փոխվի, բանակցային տրամաբանությունը ևս կփոխվի: Կանցնեն տարիներ ու կբացվի բանակցային գործընթացի փաստաթղթերի բովանդակությունը ու կպարզենք, որ բանակցային բովանդակությունը ծռվել է 2015-ի աշնանը-2016-ի ձմռանը: Եթե Սարգսյանը որոշել է բացահայտումներ անել, թող պատմի 2015թ. աշնան և 2016թ. ձմռան իրրադարձությունները, որից հետո եկել է 2016-ի գարունը, եղել է ապրիլի 2. էդ բանակցային բովանդակությունը փոխվել է հենց այդ ժամանակ»: |
«Ալիևը չի ընդունում, որ պետության ներկայացուցչի հետ է հանդիպում»․ Էդգար Ղազարյան
6611:36Սեուլի դատարանը երկրորդ անգամ ձերբակալման օրդեր է տվել նախկին նախագահին
8811:35«Նիկոլ Փաշինյանն ու Ալիևը շարունակում են հանդիպումը՝ առանց պատվիրակությունների»․ #Minval
9311:29Բաքվում շարունակվում է Արցախի նախկին ռազմաքաղաքական ղեկավարության դեմ շինծու դատավարությունը
10811:16«Սրանց ջերմությունից զգացվում է՝ մենակ մենք ենք իրենց խանգարում»․ Տիգրան Աբրահամյան
8711:06Կառավարության նիստը՝ ուղիղ միացմամբ (տեսանյութ)
5111:00«Ռուբեն Ռուբինյանի ներկայությունը վկայում է, որ հանդիպմանը «ներկա» է նաև Թուրքիան»․ Հակոբ Բադալյան
9810:48Ալիևը հրաժարվել է հանդիպել Պուտինի բանագնացի հետ
14610:41