Երկուշաբթի, 23 փետրվարի, 2026 թ.
|
Ստեփանակերտում`   +9 °C

«Միակ իրական հաղթանակը, որ Սարգսյանն ու Քոչարյանը տարել են բանակով, եղել է Մարտի 1-ին տարած հաղթանակը՝ սեփական ժողովրդի նկատմամբ». Բաբաջանյան

«Միակ իրական հաղթանակը, որ Սարգսյանն ու Քոչարյանը տարել են բանակով, եղել է Մարտի 1-ին տարած հաղթանակը՝ սեփական ժողովրդի նկատմամբ». Բաբաջանյան
861
Երկուշաբթի, 03 մայիսի, 2021 թ., 13:52

Վարչապետի ընտրության հարցի քննարկման ժամանակ ելույթ ունեցավ նաև անկախ պատգամավոր Արման Բաբաջանյանը: «Մի ամբողջ պատերազմ էր պետք, որպեսզի բացահայտվեր, որ մենք, ըստ էության, կեղծ պետություն ենք կառուցել իր բոլոր ինստիտուտներով, կառուցակարգերով, կեղծ է եղել նաև բանակը: Փրկիչները, պարզվեց, որ միայն ընտրություն չեն կեղծել, կեղծել են ամեն ինչ ու դրա մեկնարկը տրվել է 97-ին, երբ վոյինը, ՀՀ-ում նշանակվելով վարչապետի պաշտոնում, ըստ էության շեղեց Հայաստանը բնական ընթացքից ու ամբողջությամբ բանակն էլ ծառայեցրեց երկրի ներսում մաֆիայի, օլիգարխիայի, քրեական իշխանության վերահսկողությունը երկարաձգելու նպատակին ու, ի զարմանս բոլորի, բանակն էլ, առանձին զինվորականներ, այս կամ այն կերպ ցանկացան մաս կազմել այդ մաֆիային, հանցավոր շրջանակին»: Նրա խոսքով՝ «միակ իրական հաղթանակը, որ Սերժ Սարգսյանն ու Ռոբերտ Քոչարյանը տարել են բանակով, եղել է Մարտի 1-ին տարած հաղթանակը՝ սեփական ժողովրդի նկատմամբ, Երևանի կենտրոնում, երբ, ըստ էության, բանակը ներքաշվեց քաղաքական գործընթացների մեջ, երբ գնդակահարվում էր հայ ժողովրդի ազատության ոգին»: