Երկուշաբթի, 23 փետրվարի, 2026 թ.
|
Ստեփանակերտում`   +5 °C

Հայփոստը շուրջ 4 անգամ թանկացրել է ծառայությունները

Հայփոստը շուրջ 4 անգամ թանկացրել է ծառայությունները
777
Երեքշաբթի, 04 մայիսի, 2021 թ., 10:56

Վերջին օրերին լայն արձագանք են ստացել Հայփոստի հայտարարությունն այն մասին, որ «ակցիայի ժամկետն ավարտվել է և փոստային ծառայությունների արժեքը փոխվելու է»։

Այսօր արդեն Հայաստանի փոստային բաժանմունքներում քաղաքացիներն անակնկալի են եկել, երբ պարզվել է, որ Հայփոստի ծառայությունների արժեքն ավելացել է շուրջ 4 անգամ։

Ասում են, որ փոստային հասարակ նամակի առաքման արժեքը 70 դրամից դարձել է 230 դրամ, իսկ նույն ծառայության պատվիրված տեսակը 120-ից դարձել է 290 դրամ։

Համաձայն տեղեկությունների, այս համամասնությամբ ավելացել է ծառայությունների արժեքն ինչպես Հայաստանի ներսում, այնպես էլ Հայաստանից դուրս։