Ուրբաթ, 14 մայիսի, 2021 թ.
|
Ստեփանակերտում`   +14 °C

Բլինքենը կոչ է արել ճնշում գործադրել Ռուսաստանի վրա

Բլինքենը կոչ է արել ճնշում գործադրել Ռուսաստանի վրա
195
Չորեքշաբթի, 05 մայիսի, 2021 թ., 10:00

ԱՄՆ պետքարտուղար Էնթոնի Բլինքենը կոչ է արել ճնշում գործադրել Ռուսաստանի վրա՝ երկրի միջազգային պարտավորությունները պահպանելու նպատակով:

«Մենք պետք է միասին աշխատենք և ուշադրություն դարձնենք Ռուսաստանի վարքագծին, Ռուսաստանին պատասխանատվության ենթարկենք նրա գործողությունների համար և ճնշում գործադրենք Մոսկվայի վրա, որպեսզի այն կատարի իր միջազգային պայմանավորվածություններն ու պարտավորությունները»,- Twitter-ի էջում գրել է Բլինքենը:

Ընդ որում, թե կոնկրետ ինչ պարտավորությունների մասին է խոսքը, նա չի հստակեցրել։

Պետքարտուղարության ներկայացուցիչ Նեդ Փրայսը պաշտպանել է Բլինքենին։ Նա հստակեցրել է, որ Ռուսաստանը պետք է կատարի Մինսկի համաձայնագրերով ստանձնած իր պարտավորություններն ու բարեխղճորեն աշխատի Ուկրաինայի արևելքում հակամարտության դադարեցման ուղղությամբ:

«Նա նաև պետք է դադարեցնի Ղրիմի անօրինական օկուպացիան»,- գրել է Փրայսը: