«Ունենք մի աղետաբեր կառավարում». Լևոն Զուրաբյան

«Այսօր մենք ունենք շատ կոնկրետ ղեկավար, որի տգետ, խառնակ կառավարումը տվել է այն արդյունքները, որը մենք ունենք։ Ունենք մի աղետաբեր կառավարում»,- «Հաղթանակի» զբոսայգում լրագրողների հետ զրույցում նշել է «Հայ ազգային կոնգրես» կուսակցության փոխնախագահ Լևոն Զուրաբյանը։

«Գիտե՞ք, օդում ինքնաթիռ քշել չեն սովորում, սովորում են սկզբում գետնի վրա, հետո նոր սկսում են վարել ինքնաթիռը։ Օդում ինքնաթիռ վարել սովորելը բերում է այսպիսի արդյունքների։ Խնդիրը բազմաբովանդակ է, մենք ունենք ոչ համարժեք ղեկավար, որը իր ամբողջ թիմով հանդերձ ունակ չէ կառավարման, նրանք ձախողելու են, ձախողել են ու ձախողելու են շարունակաբար։ Եթե այսքանից հետո ինչ-որ մեկին ապացույցներ են պետք, դա արդեն խնդիր է այդ ապացույցները փնտրողների համար։ Այս կառավարումից պիտի ազատվել, իսկ դա պիտի անել սահմանադրական ճանապարհով, որովհետև բոլոր այլ ճանապարհները մեր պետականության համար ոչ մի լավ բան չեն խոստանում»,- ասել է նա։