Հինգշաբթի, 10 հուլիսի, 2025 թ.
|
Ստեփանակերտում`   +25 °C

Բորելը հայտարարել է, որ ԵՄ-ի հարաբերություններն ԱՄՆ-ի հետ բարելավվում են, իսկ Ռուսաստանի հետ վատթարանում

Բորելը հայտարարել է, որ ԵՄ-ի հարաբերություններն ԱՄՆ-ի հետ բարելավվում են, իսկ Ռուսաստանի հետ վատթարանում
696
Երկուշաբթի, 10 մայիսի, 2021 թ., 15:48

Եվրոմիության հարաբերություններն ԱՄՆ-ի հետ բարելավվում են, մինչդեռ Ռուսաստանի հետ դրանք վատթարանում են։ Այս մասին հայտարարել է ԵՄ դիվանագիտության ղեկավար Ժոզեպ Բորելը՝ Բրյուսելում Միության 27 երկրների արտաքին գործերի նախարարների նիստին ժամանելուց հետո։

«ԱՄՆ-ի հետ մեր հարաբերությունները փոխվում են, այժմ մենք ուժեղ գործընկերություն ունենք։ Դա հատկապես հասկանալի դարձավ G7-ի գագաթնաժողովից հետո,- ասել է նա։ -Մենք կքննարկենք նաև Ռուսաստանի հարցը, որի հետ, ընդհակառակը, դրանք չեն բարելավվում»:
ԵՄ խորհուրդն՝ արտաքին գործերի նախարարների մակարդակով լիագումար նիստ կանցկացնի Բրյուսելում, որտեղ կքննարկվեն ԱՄՆ-ի և Ռուսաստանի հետ հարաբերությունները, Արևմտյան Բալկանների երկրներին աջակցություն ցուցաբերելը, Աֆղանստանում իրադրությունը և իրանական միջուկային գործարքի շուրջ ստեղծված իրավիճակը: Նախարարները չեն ծրագրում որոշումներ ընդունել ՌԴ-ի դեմ նոր պատժամիջոցների մասին։