«Այսքան տարվա կարոտից հետո կրկին կհնչի ադրբեջանական մուղամը». Ալիևը մեկնել է Շուշի

Ադրբեջանի առաջին փոխնախագահ Մեհրիբան Ալիևան Instagram-ի իր էջում տեսանյութ է հրապարակել՝ նշելով․ «Հպարտությամբ ուզում եմ տեղեկացնել, որ այսօր նշանակալի օր է։ Ադրբեջանի մշակութային մայրաքաղաք հռչակված, մեր հայրենի «Շուշա» (Շուշի) քաղաքում վերածնվում է «Խարիբյուլբյուլ» երաժշտական փառատոնը։ Այսքան տարվա կարոտից հետո լեգենդար Ջդրդուզում (Կատարոտ դաշտավայր) կրկին կհնչի ադրբեջանական մուղամը»։

Ալիևը Շուշի է մեկնել կնոջ ու դստեր հետ։ Նա տեսանյութում տեղեկացրել է, որ մեկնում է Շուշի՝ մասնակցելու փառատոնին և ճանապարհին կանգ է առել՝ թեյ խմելու համար: