«ՀԱՊԿ-ի և Ռուսաստանի ակնհայտ կրավորական կեցվածքն անհրաժեշտ է ինչ-որ կերպ փոխլրացնել». Ռոբերտ Ղևոնդյան

Քաղաքագետ Ռոբերտ Ղևոնդյանը ֆեյսբուքյան իր էջում գրել է. «Կարծում եմ տեղի ունեցող իրադարձությունների ֆոնին մեծ հավանականություն կա ոչ միայն Փաշինյան-Մակրոն, այլև Փաշինյան-Բլինկեն կամ նույնիսկ Փաշինյան-Բայդեն ուղիղ հաղորդակցության։ ՀԱՊԿ-ի և Ռուսաստանի ակնհայտ կրավորական կեցվածքն անհրաժեշտ է ինչ-որ կերպ փոխլրացնել, իսկ Ֆրանսիայի, ԱՄՆ ի և հատկապես Մեծ Բրիտանիայի դիրքորոշումները ցույց են տալիս, որ Հայաստանն ի վիճակի է գործընթացներում ապահովել այլ դերակատարների ներկայություն։ Սա կենսական կարևորություն է ստանում հակառակորդի բացահայտ ագրեսիայի և դաշնակիցների լռության պայմաններում»։