«Փորձելու ենք հասկանալ, թե որքանո՞վ են համընկնում Թուրքիայի և ԱՄՆ-ի շահերը»․ միջազգայնագետ

«Մեր այսօրվա ֆորումի նպատակն է հասկանալ, թե ի՞նչ պրոցեսներ են ընթանում մեր տարածաշրջանում, ի՞նչ հետաքրքրություններ ունի մեր նոր ձևավորված տարածաշրջանում ԱՄՆ-ը և այլն»,- այսօր՝ լրագրողների հետ զրույցում, Հայ-ամերիկյան քաղաքագիտական առաջին ֆորումի մեկնարկից առաջ հայտարարեց միջազգայնագետ Սուրեն Սարգսյանը։

«Հայկական և ամերիկյան փորձագետների միջոցով փորձելու ենք հասկանալ, թե ԱՄՆ-ն ի՞նչ քաղաքականություն է վարելու Բայդենի վարչակազմի օրոք՝ ՀՀ և, ընդհանրապես, տարածաշրջանի նկատմամբ, ի՞նչ քաղաքականություն է հետայսու վարելու մեր տարածաշրջանում Թուրքիան, ինչպես նաև փորձելու ենք հասկանալ, թե որքանո՞վ են համընկնում Թուրքիայի և ԱՄՆ-ի շահերը»,- նշեց միջազգայնագետը՝ ընդգծելով, որ բավականին լայն քննարկում է սպասվում։