«Էսօր Արցախում անվտանգությունն ապահովված ա». Գագիկ Ծառուկյան

Նոր Նորք վարչական շրջանի համակիրների հետ հանդիպման ժամանակ «Բարգավաճ Հայաստան» կուսակցության ղեկավար Գ. Ծառուկյանը խոսել է երկրի սոցիալ-տնտեսական և անվտանգային խնդիրների, դրանց լուծման տարբերակների մասին: Նա տեղեկացրել է Արցախ կատարած այցի մասին. «Երեկ ես եղել եմ Ղարաբաղում, տեսել եմ, որ էսօր Արցախում անվտանգությունն ապահովված ա: Ռուս խաղաղապահ զորքերը՝ դիրքավորված, ձևավորված, տեխնիկան բերած, որևիցե մի կրակոց չի կարող լինել ու գնալով ավելի հզորացնում ու զարգացնում են: Հայ-ռուսական բարեկամությունը պետք է ավելի ամրապնդենք, որ սահմաններին էլ ապահով լինի, տնտեսական զարգացում էլ լինի»: