Չինաստանի ԱԳՆ-ը Երևանին ու Բաքվին կոչ է արել տարաձայնությունները կարգավորել երկխոսությամբ

Պաշտոնական Պեկինը հույս ունի, որ Հայաստանն ու Ադրբեջանը կկարողանան առկա հակասությունները կարգավորել երկխոսության միջոցով: Այս մասին երկուշաբթի ճեպազրույցի ժամանակ հայտարարել է Չինաստանի ԱԳՆ պաշտոնական ներկայացուցիչ Չժաո Լիցզյանը։

«Ե՛վ Ադրբեջանը, և՛ Հայաստանը Չինաստանի բարեկամական գործընկերներն են։ Մենք անկեղծորեն հույս ունենք, որ կողմերը կկարողանան երկխոսության միջոցով կարգավորել իրենց հակասություններն ու տարաձայնությունները, ինչպես նաև միասին կաջակցեն տարածաշրջանում խաղաղությանն ու կայունությանը»,- ասել է Չինաստանի ԱԳՆ ներկայացուցիչը: