Բայդենը հանձնարարել է միջոցներ ձեռնարկել Բելառուսում ինքնաթիռի հետ կապված միջադեպի կապակցությամբ

ԱՄՆ նախագահ Ջո Բայդենն աջակցում է Բելառուսի նկատմամբ հասցեական տնտեսական պատժամիջոցներ սահմանելու և այլ միջոցներ ձեռնարկելու՝ ԵՄ-ի կոչին։ Նա իր վարչակազմին հանձնարարել է համապատասխան միջոցներ մշակել Ryanair ավիաընկերության ինքնաթիռի հետ կապված միջադեպին մասնակից անձանց պատասխանատվության ենթարկելու և Բելառուսում ծայրահեղական համարվող Nexta Telegram-ալիքի հիմնադիրներից Ռոման Պրոտասևիչի ձերբակալման ուղղությամբ:
«Բելառուսի կողմից ԵՄ մի երկրից մյուսը մեկնող ինքնաթիռի հարկադիր վայրէջքն, ինչպես նաև Ռոման Պրոտասևիչի ձերբակալությունն ուղղակի վիրավորանք են միջազգային նորմերին»,- նշվում է Սպիտակ տան մամուլի ծառայության տարածած հայտարարության մեջ: «ԱՄՆ-ն ամենավճռական կերպով դատապարտում է այդ միջադեպերը»:
Հայտարարության մեջ նշվում է, որ Պրոտասևիչի հարցաքննության տեսագրությունը հնարավոր է հարկադրաբար է արվել։
«ԱՄՆ-ն այլ երկրների հետ միասին կոչ է անում ազատ արձակել նրան, ինչպես նաև հարյուրավոր այլ քաղբանտարկյալների»,- հավելել է Բայդենը: