Երկուշաբթի, 22 սեպտեմբերի, 2025 թ.
|
Ստեփանակերտում`   +10 °C

Էրդողանը հանդիպում կունենա Microsoft-ի, Netflix-ի և ամերիկյան այլ խոշոր ընկերությունների ղեկավարների հետ

Էրդողանը հանդիպում կունենա Microsoft-ի, Netflix-ի և ամերիկյան այլ խոշոր ընկերությունների ղեկավարների հետ
707
Երեքշաբթի, 25 մայիսի, 2021 թ., 20:40

Թուրքիայի նախագահ Ռեջեփ Էրդողանը մայիսի 26-ին վիդեոկոնֆերանսի ձևաչափով հանդիպում կունենա ամերիկյան ավելի քան 20 խոշոր ընկերությունների ղեկավարների հետ:

Թեմայի վերաբերյալ «Reuters»-ի հրապարակած հոդվածում, որը թարգմանաբար ներկայացվել է թուրքական մամուլում, որոշ մանրամասներ են ներկայացվել հանդիպման օրակարգի ու նպատակների մասին:

Նշվում է, որ հանդիպմանը, որին մասնակցելու են ամերիկյան այնպիսի հսկաներ, ինչպիսիք են Microsoft-ն ու Netflix-ը, ներկայացվելու են Թուրքիայի ներդրումային միջավայրն ու տնտեսական հեռանկարները:

Ըստ աղբյուրի, Էրդողանը ցանկանում է հունիսին կայանալիք՝ ՆԱՏՕ-ի գագաթնաժողովին Բայդենի հետ նախատեսվող հանդիպումից առաջ ամերիկացի գործարարների միջոցով շոշափել ամերիկյան կողմի տրամադրությունները: Հանդիպմանն Էրդողանը հանդես կգա գործարարներին հետաքրքրող թեմաների մասին ելույթով, ապա կպատասխանի նրանց հարցերին:

Ըստ «Reuters»-ի աղբյուրների, հանդիպումը նախատեսված չի եղել ԱՄՆ-ի կառավարության ծրագրում: Այն կազմակերպվել է ԱՄՆ-ի առևտրային պալատի, Թուրքիայի պալատների ու բորսաների միության և Թուրքիայի նախագահականի կողմից, գրում է Ermenihaber-ը: