Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

«Անհնար է ապրել խաղաղության մեջ, երբ թշնամիդ պատերազմ է պարտադրում». Սենոր Հասրաթյան

«Անհնար է ապրել խաղաղության մեջ, երբ թշնամիդ պատերազմ է պարտադրում». Սենոր Հասրաթյան
247
Ուրբաթ, 28 մայիսի, 2021 թ., 03:05

Արցախի ՊԲ նախկին խոսնակ Սենոր Հասրաթյանը ֆեյսբուքյան իր էջում գրել է․ «Ցանկացած ժողովրդի հաջողության թիվ մեկ երաշխավորը եղել է, կա ու լինելու է ոչ այլ ոք, քան՝ հենց ինքը: Այդպես է եղել երեկ, այդպես է այսօր, այդպես է լինելու վաղը... Մեր ժողովուրդը 90-ականների սկզբներին իրեն պարտադրված գոտեմարտում հասավ հաջողության, որովհետև ապավինեց ոչ թե արտաքին օժանդակությանը, այլ հարազատելով մենակի հոգեբանությունը, հավատաց սեփական ներուժին և կարողացավ անել այն, ինչը պարտավոր էր անել հենց ինքը...: Արդյունքում մենք ոչ միայն ունեցանք փառավոր հաջողություններ, այլև այդ հաջողությունների հետ ստիպված եղավ հաշվի նստել նաև մեր թշնամին...:

Ցավոք, այսօր դրությունը լրիվությամբ այլ է: Այսօր երկիրը բռնազավթած պատահականությունները մեր ժողովրդից ոչ միայն խլել են մենակի հոգեբանությամբ նվաճված փայլուն հաղթանակները, այլև հետևողականորեն մեզնից օտարել դարերով եկող դիմադրողականության ոգին և հային դարձրել թշնամու կամակատար: Ապացույցը՝ վաղ առավոտյան հակառակորդի կողմից մեր վեց զինծառայողների գերաեվարման փաստն է:

Հ. Գ. Անհնար է ապրել խաղաղության մեջ, երբ թշնամիդ պատերազմ է պարտադրում, իսկ դու փորձում ես նրան պատասխանել հանդուրժողականությամբ...»: