«Գրում են՝ վարչապետը կոմպրոմատների դոսյեներ ա հավաքել «Իմ քայլի» պատգամավորների վրա». Փաշինյան

Նիկոլ Փաշինյանը հանդիպում է Արաբկիր վարչական շրջանի «Քաղաքացիական պայմանագիր» կուսակցության համակիրների հետ։ «Այսօր անհեթեթություններ են գրում, գրում են՝ վարչապետը կոմպրոմատների դոսյեներ ա հավաքել «Իմ քայլի» պատգամավորների վրա, որպեսզի չփլուզվի: Ընդհակառակը, նրանք, ում վրա կարող էր դա լինել, թողեցին՝ դուրս եկան»,- հայտարարեց նա: «Կամ ասում են՝ ապագա կա՞, այո՛, կա, ապագան չի ընկնում երկնքից, այն ամենօրյա աշխատանք ու նվիրում է ուզում»,- հավելեց Փաշինյանը: