«Բաքվի բռնապետը հասել է տասնամյակների իր երազանքին». Կարեն Հովհաննիսյան

Ռազմագետ Կարեն Հովհաննիսյանը ֆեյսբուքյան իր էջում գրել է. «Ուզենք, թե չուզենք այսօրվա իրականությունն այն է, որ Բաքվի բռնապետն ուղիղ ազդեցություն ունի մեր ներքին քաղաքական կյանքի վրա, և դա մենք ենք թույլ տվել։

Ցավալի է, որ այստեղ ևս Բաքվի բռնապետը հասել է տասնամյակների իր երազանքին. նա ամենաֆանտաստիկ երազում անգամ չէր կարող պատկերացնել, որ կարող է ուղիղ ազդեցություն ունենալ մեր ներքին քաղաքական կյանքի վրա։

Բաքվի բռնապետի բառերը նաև ցիտում են մեզ մոտ իրենց քաղաքական գործիչներ համարողները, ցիտում են այն մասը, որը վերաբերվում է իրենց քաղաքական հակառակորդներին։
Ինչպե՞ս չեզոքացնել այս վտանգը, միայն մի ձև կա, պարզապես վերադարձնել մեր պաշտոնական հաղորդագրությունների նկատմամբ անվերապահ հավատը, որը հիմնահատակ խարխլված է»։