«Երկար պրոցես է, բայց դրան հասնելու ենք». Արցախի նախագահ

Արցախի նախագահ Արայիկ Հարությունյանն այցելել է Մարտունու շրջանի Թաղավարդ, Կարմիր շուկա և Ասկերանի շրջանի Սարուշեն, Շոշ, Խանապատ և Խրամորթ համայնքներ, բնակիչների հետ քննարկել ինչպես անվտանգային, այնպես էլ սոցիալ-տնտեսական խնդիրները: Արցախցիների հետ հանդիպմանն Արայիկ Հարությունյանն անդրադարձել է նաև Արցախի անկախության ճանաչման գործընթացին։ «Շարունակելու ենք մեր պայքարը անկախության համար: Երբևէ չենք համակերպվելու Ադրբեջանի կազմում լինելու. դա բացառվում է: Անկախության օրակարգը մնալու է. դա երկար պրոցես է, բայց դրան հասնելու ենք»,- ասել է Հարությունյանը:

«Առանց Ռուսաստանի, ռուսական բանակի՝ անհնարին է տարածաշրջանում ապահովել խաղաղություն կամ մնալ Արցախում»,- հավելել է նա: