Շաբաթ, 12 հուլիսի, 2025 թ.
|
Ստեփանակերտում`   +24 °C

«460 մլն դրամ է ծախսվելու քվեաթերթիկների տպագրության համար». Տիգրան Մուկուչյան

«460 մլն դրամ է ծախսվելու քվեաթերթիկների տպագրության համար». Տիգրան Մուկուչյան
1085
Ուրբաթ, 04 հունիսի, 2021 թ., 16:20

«Նախընտրական պաստառների մասով մենք հադես ենք եկել հայտարարությամբ, որ բոլոր այն պաստառները, որոնք որ կճանաչվեն ասոցացվող նախընտրական քարոզչության հետ, դրանք ԸՕ պահանջների համաձայն ենթակա են հանման: Խոսքը վերաբերում էր 5 քմ-ը գերազանցող պաստառներին: Այս ընթացքում ինչպիսի պաստառներ, որ կարողացել ենք հայտնաբերել, դրանց վերաբերյալ միանշանակ եղել է կարծիք»,- այսօր լրագրողների հետ զրույցում ասել է ԿԸՀ նախագահ Տիգրան Մուկուչյանը:

Հարցին՝ միայն Ռոբերտ Քոչարյանի էսքիզների վերաբերյա՞լ են նման որոշումներ կայացվել, Տ. Մուկուչյանը պատասխանել է. ««Լուսավոր Հայաստանի», «5165 դաշինքի» հետ կապված, որովհետև կար Մասիս սարի պատկերով պաստառներ, որոնց վրա նշված էր հենց թիվը: Տիգրան Արզաքանցյանի պաստառների հետ կապված է կայացվել նման որոշում»:

Անդրադառնալով հարցին, թե որքա՞ն գումարի քվեաթերթիկ է տպագրվելու, Տ. Մուկուչյանը պատասխանել է. «70 միլիոնի կարգի քվեաթերթիկ է տպագրվելու և 460 մլն դրամի շրջանակում գումար է ծախսվելու միայն քվեաթերթիկ տպագրելու համար»: