«Հայաստանի իշխանության կարգախոսները դոմինոյի պես քանդվում են»․ Քոչարյանը՝ ռուսական լրատվամիջոցներին

ՀՀ նախկին նախագահ Ռոբերտ Քոչարյանը կարծում է, որ 2018 թվականին գործող իշխանության առաջ քաշած բոլոր կարգախոսները քանդվում են դոմինոյի պես:

«Գիտեք, ամենահետաքրքիրն այն է, որ նրանք իշխանության եկան օլիգարխիայի դեմ պայքարի և բիզնեսը քաղաքականությունից տարանջատելու կարգախոսով։ Ընդհանրապես, նրանք շատ գեղեցիկ կարգախոսներ ունեին: Դավաճանել են ամեն ինչ, բացարձակապես ամեն ինչ»,-հայտարարել է Քոչարյանը՝ РИА Новости-ին, Sputnik Армения-ին և RT-ին տված հարցազրույցում։

Նրա խոսքով՝ սեփական դիրքորոշման և կարգախոսների վերջին դավաճանությունների թվում է իշխող կուսակցության նախընտրական ցուցակում ոչ այնքան «ստերիլ» օլիգարխների ընդգրկումը: