Ուրբաթ, 29 մարտի, 2024 թ.
|
Ստեփանակերտում`   +13 °C

Իլոն Մասքը որոշել է «ազատվել ԱՄՆ-ում իր վերջին տնից»

Իլոն Մասքը որոշել է «ազատվել ԱՄՆ-ում իր վերջին տնից»
1659
Չորեքշաբթի, 16 հունիսի, 2021 թ., 00:10

Tesla ընկերության հիմնադիր և ղեկավար Իլոն Մասքը Twitter-ի իր էջում հայտնել է ԱՄՆ-ում իրեն պատկանող վերջին տունը վաճառելու մտադրության մասին: Մինչ օրս առանձնատունը վարձով էր տրվում:
«Որոշել եմ վաճառել իմ վերջին տունը։ Այն պարզապես մի մեծ ընտանիքի տրամատրության տակ կանցնի, որը կապրի այնտեղ։ Դա յուրահատուկ վայր է»,- գրել է Մասքը։
Հունիսի 9-ին նա հայտարարել էր, որ ազատվել է իր բոլոր տներից, բացառությամբ Սան Ֆրանցիսկոյի ծոցում գտնվող մեկ առանձնատնից. այն վարձով էր տրվում՝ միջոցառումներ անցկացնելու համար:
Tesla-ի ղեկավարն սկսել է ԱՄՆ-ում իր անշարժ գույքը վաճառել 2020-ի մայիսից։ Այդ ժամանակ ամերիկյան Zillow օնլայն-բազայում հայտնվել են գործարարին պատկանող 2 տան իրացման մասին հայտարարություններ։ Ողջ ունեցվածքից ազատվելու մտադրության մասին Մասքն առաջին անգամ Twitter-ում հայտնել էր անցած տարվա մայիսի 1-ին: