«Նրա մոտ նարցիսիզմը կրել ու կրում է խրոնիկ բնույթ». Լյովա Եղիազարյան

«Հանրապետություն» կուսակցության անդամ Լյովա Եղիազարյանը ֆեյսբուքյան իր էջում գրել է. «Քոչարյանը տառապել ու տառապում է բացառիկ ինքնսիրահարվածությամբ՝ նարցիսիզմով: Հոգեբույժները պնդում են, որ չափից դուրս նարցիսիզմը հոգեկան շեղում է, խանգարում և կարիք ունի բուժման: Ֆրոյդը նաև կարծում էր՝ երբ նարցիսիզմի մակարդակը բարձր է, այն մարդու համար արգելք է հանդիսանում սիրելու կամ կարեկցելու ուրիշներին: Նրա մոտ նարցիսիզմը կրել ու կրում է խրոնիկ բնույթ՝ մշտական արհամարանք ու ատելություն շրջապատի նկատմամբ: Նրա գործողությունները միտված էին սեփական ԵՍ-ը բավարարելու ու դրան հասնելու համար ոչնչացնում էր ցանկացած խոչընդոտ՝ լիներ այն մանկության ընկեր, թե խաղաղ ցուցարար: Նարցիստներին հատուկ է մեծամտությունը, փառամոլությունը, անսխալականության բարդույթը, նպատակին հասնելու մոլուցքը, ստախոսությունը: Ամենավտանգավորն այն է, որ նրա իշխանության տարիներին ձևավորվեցին նարցիստներ, որոնց գործունեության պտուղները քաղում ենք առ այսօր, ովքեր պայքարում են նրա վերադարձի համար: Նա և իր շրջապատը սխալ հաշվարկ են արել: Ոչինչ չի մոռացվել»: