Երկուշաբթի, 20 ապրիլի, 2026 թ.
|
Ստեփանակերտում`   +8 °C

Շարմազանովը՝ Կարեն Կարապետյանի՝ «Հայաստան» դաշինքին աջակցելու մասին

Շարմազանովը՝ Կարեն Կարապետյանի՝ «Հայաստան» դաշինքին աջակցելու մասին
766
Հինգշաբթի, 17 հունիսի, 2021 թ., 13:25

«Պատիվ ունեմ» դաշինքի ներկայացուցիչ Էդուարդ Շարմազանովը, այսօր՝ ասուլիսի ժամանակ, անդրադառնալով դիտարկմանը, որ նախկին ՀՀԿ-ական Կարեն Կարապետյանն այսօր աջակցում է «Հայաստան» դաշինքին, ասաց․ «Կարեն Կարապետյանն իր քաղաքական ու քաղաքացիական դիրքորոշումն ասել է 2018 թվականի դեկտեմբերի 14-ին՝ դուրս գալով ՀՀԿ-ից։ Նա ինքն է որոշում՝ քաղաքական ո՞ր բլոկում լինել»։

Դիտարկմանը, թե «Քաղաքացիական պայմանագիր» կուսակության անդամներն այդ առիթով նշում են, որ «տարած-բերած ժիլետի թև Կարեն Կարապետյանը վերջապես գտավ իր հանգրվանը», Շարմազանովն ասաց․ ««Քաղաքացիական պայմանագիր» կուսակցության անդամները գլուխները պատով են տալիս, որ Կարեն Կարապետյանի մասին նման բան են ասում։ Տարած-բերածն իրենք են, իրենց ղեկավարի հետ՝ Ալիևի ու Էրդողանի տուն՝ էն էլ մի քանի անգամ։ Պիտի հիասթափեցնեմ «Քաղաքացիական պայմանագիր» կուսակցության անդամներին՝ «Պատիվ ունեմ», «Հայաստան» և այլ ազգային ուժերի միջև կռիվ գցելն ապարդյուն է»։